እምነት የሚጣልባቸው አዋቂዎች እና እድገትን የሚያፋጥኑ ግንኙነቶች
ሰው
በችሎታው ብቻ አያድግም። ከሚያስተምሩት፣ ከሚያርሙት፣ ከሚያበረታቱት፣ ከሚገዳደሩት እና ከሚከፍቱለት ዕድሎች ጋር በሚገነባው ግንኙነትም
ይወሰናል።
አንድ
መሪ በዙሪያው ያሉትን ሰዎች ሳይመርጥ ከተጓዘ፣ የራሱን አቅም ሊገድብ ይችላል። በተቃራኒው፣ በጥበብ የተመረጡ ግንኙነቶች የእውቀት፣
የእድል፣ የምክር፣ የተጠያቂነት እና የጥበቃ ምንጭ ይሆናሉ።
1.
ሁሉም ግንኙነት አንድ ዓይነት አይደለም
ብዙ
ሰዎች የሚያውቁህ መሆናቸው ብዙ ጠቃሚ ግንኙነቶች አሉህ ማለት አይደለም።
·
አንዳንድ ግንኙነቶች ጊዜህን
ብቻ ይወስዳሉ።
·
አንዳንዶቹ ኃይልህን ያሳንሳሉ።
·
አንዳንዶቹ ወደ ኋላ ይጎትቱሃል።
·
አንዳንዶቹ ግን እንድታስብ፣
እንድትማር፣ እንድትደፍር እና እንድታድግ ያደርጉሃል። ስለዚህ ጥያቄው “ስንት ሰዎችን አውቃለሁ?” አይደለም። ጥያቄው፦
“በዙሪያዬ
ያሉት ሰዎች እኔን ወደ ምን እንድጓዝ እያደረጉኝ ነው?”
2.
አዋቂ ሰዎችን መፈለግ
እድገት የሚፈልግ ሰው ከራሱ የበለጠ የሚያውቁ ሰዎችን መፈለግ አለበት። እነዚህ ሰዎች አማካሪዎች (Mentors)፣ አሰልጣኞች (Coaches)፣ የሙያ አዋቂዎች፣ ልምድ ያካበቱ መሪዎች ወይም ከአንተ በፊት መንገዱን የተጓዙ ሰዎች ሊሆኑ ይችላሉ። አንድ ጥሩ አማካሪ ሁልጊዜ የምትሰማውን አይነግርህም። አንዳንድ ጊዜ መስማት የማትፈልገውን እውነት ይነግርሃል። ይህ የአዋቂ ሰው ዋጋ ነው።
3.
የምትታመንባቸውን ሰዎች ለይ
ታማኝ
ሰው ማለት ሁልጊዜ ከአንተ ጋር የሚስማማ ሰው አይደለም።
ታማኝ
ሰው እውነትን በአክብሮት የሚነግርህ ሰው ነው።
·
አንተ ስትሳሳት የሚነግርህ፣
·
የማታየውን እንድታይ የሚረዳህ፣
·
ስትወድቅ የሚያነሳህ፣
·
ሲሳካልህ የማይቀናብህ፣
·
እና ስትታበይ የሚያስታውስህ
ሰው ነው።
4.
የግንኙነት ክበብህን በጥንቃቄ ምረጥ
በአመራር
ውስጥ አንድ እውነት አለ፦ የምትቀርባቸው ሰዎች በቀስታ የምትሆነውን ሰው ይገነባሉ። ስለዚህ የግንኙነት ክበብህ እንዲህ
ያሉ ሰዎችን ሊያካትት ይገባል፦
- ከአንተ የበለጠ የሚያውቅ ሰው — የሚያስተምርህ
- ከአንተ ጋር እኩል የሚጓዝ ሰው —
የሚገዳደርህ
- ከአንተ በታች ያለ ሰው — የምታሳድገው
- በተለየ ዘርፍ የበለጠ የተሻለ ሰው
— እይታህን የሚያሰፋ
- ከባድ ጊዜ ላይ ከጎንህ የሚቆም ሰው
— የሚያምንብህ ይህ ነው ጤናማ የእድገት ክበብ።
5.
ግንኙነት መቀበያ ብቻ አይደለም
እውነተኛ
ግንኙነት “እኔ ከአንተ ምን አገኛለሁ?” በሚል አይጀምርም። ይልቁንም፦ “እኔ ለአንተ ምን አመጣለሁ?” በሚል
ይጀምራል። ሰዎችን ለጥቅም ብቻ የሚፈልግ ሰው የእድል አውታር ሊገነባ ይችላል፤ እውነተኛ የሰው ግንኙነት ግን አይገነባም።
ግንኙነት
በእሴት መለዋወጥ ይጠነክራል፤ በጥቅም መለዋወጥ ግን ይደክማል።
6.
ለከፍተኛ አመራሮች ይህ ለምን ወሳኝ ነው?
አንድ
ከፍተኛ አመራር በድርጅት ውስጥ ብቻውን ሁሉንም ነገር ማወቅ አይችልም።
·
ስለ ፋይናንስ የሚያውቅ ሰው
ያስፈልገዋል።
·
ስለ ቴክኖሎጂ የሚያውቅ ሰው
ያስፈልገዋል።
·
ስለ ሰዎች የሚያውቅ ሰው ያስፈልገዋል።
·
ስለ ገበያ የሚያውቅ ሰው ያስፈልገዋል።
ከእሱ
የተለየ እይታ ያለው ሰውም ያስፈልገዋል። ስለዚህ ጥሩ አመረር ሁሉንም መልስ የሚያውቅ ሰው አይደለም፤ ትክክለኛውን መልስ የሚያውቁ
ሰዎችን አግኝቶ በትክክለኛው ጊዜ ማማከር የሚችል ሰው ነው።
7.
የInstitution Builder የግንኙነት መርህ
ተቋም
የሚገነባው በራስህ አቅም ብቻ አይደለም። ራዕይ + ችሎታ + ሰዎች + እምነት + ግንኙነት + ሥርዓት = ዘላቂ ተቋም
ስለዚህ
ተቋም ገንቢ የሚጠይቀው ጥያቄ፦ “እኔ ማንን አውቃለሁ?” ብቻ ሳይሆን፣ “ማን እንድሆን እየረዱኝ ነው?” የሚል መሆን አለበት።
እና በመጨረሻ፦ “በእኔ ምክንያት ማን እየተሻሻለ ነው?” ይህ ነው የግንኙነትን ደረጃ ከNetworking
ወደ Relationship Building፣ ከዚያም ወደ Leadership Multiplication የሚያሸጋግረው።
መልካም
ቆይታ!
ምንም አስተያየቶች የሉም:
አስተያየት ይለጥፉ